სათემო განვითარების ცენტრი  ახალ, რეგიონულ განვითარებაზე ორიენტირებულ პროექტს იწყებს!

 

სათემო განვითარების ცენტრი და ჟეშუვის (პოლონეთი) რეგიონული განვითრების სააგენტო იწყებენ ერთობლივი პროექტს „სოციალური ეკონომიკა - კახეთის რეგიონის განვითარების შესაძლებლობა.“ 

 

პროექტი თანადაფინანსებულია პოლონეთის რესპუბლიკის საგარეო საქმეთა სამინისტროს საგარეო დახმარების პროგრამის მიერ.

 

პროექტის ფარგლებში თელავისა და სიღნაღის მუნიციპალიტეტებში მოხდება სასოფლო-სამეურნეო კოოპერატივების დაფუძნებისა და განვითარების ხელშეწყობა. კონკურსის წესით  შეირჩევა სასოფლო-სამეურნეო სფეროში, კოოპერატიული საქმიანობით დაინტერესებული ჯგუფები, მოხდება მათი გადამზადება, ბიზნეს-გეგმის შემუშავება, სათანადო კონსულტაციების გაწევა და ბაზისური დაფინანსების გაცემა. სულ პროექტის ფარგლებში დაფინანსდება ოთხი სასოფლო-სამეურნეო კოოპერატივი. უპირატესობა ენიჭება ქალთა ინიციატივებს.

 

უახლოეს ხანში გამოცხადდება პირველი შესარჩევი კონკურსი.